Secreta

In veneratione Nominis dilectissimi Filii tui Domini nostri Jesu Christi, tibi, Deus Pater misericordiarum, devotis mentibus hostias immolamus, suppliciter deprecantes, ut earum virtute cunctis egentibus præstetur auxilium, et in eodem Nomine delectantes, salutarem sui propositi consequantur effectum. Per eundem Dominum nostrum Jesum Christum, Filium tuum: Qui tecum vivit et regnat in unitate Spiritus Sancti Deus: per omnia sæcula sæculorum. R Amen.